4. apríl kl. 20:00 í safnaðarheimili Háteigskirkju flytur Margrét Grímsdóttir erindi sem hún nefnir „Sorgartengd streita. Orsakir, einkenni og leiðir að betri líðan"

Enginn aðgangseyrir og allir hjartanlega velkomnir.

Margrét er menntuð sem hjúkrunarfræðingur, félagsráðgjafi MSW og fjölskyldufræðingur. Hún starfar sem framkvæmdastjóri hjúkrunar við Heilsustofnun NLFÍ í Hveragerði. Áður starfaði hún á sjúkrahúsum bæði hér heima og erlendis, lengst af við stuðning og meðferð sjúklinga og fjölskyldna þeirra í gegnum veikindi og áföll.

Margrét hefur áralanga þekkingu og reynslu af fræðslu og meðferð einstaklinga með streitu og kulnun í lífi og starfi, og stýrir streitumeðferð á Heilsustofnun.